Foto nga VCG

Të paktën 60 persona, përfshirë dy fëmijë, u vranë në sulmet izraelite që kishin në shënjestër Libanin lindor, njoftoi Ministria libaneze e Shëndetësisë.

Sulmet kishin në shënjestër të paktën 12 zona të ndryshme në provincat Baalbek-Hermel dhe Bekaa dhe shkaktuan edhe 58 të plagosur.

Numri nuk është përfundimtar pasi ekipet e shpëtimit janë ende duke hequr rrënojat, shkruan “ATSH”.

Guvernatori i Baalbek, Bashir Khodr, shkroi të martën në platformën e medias sociale “X” se 35 sulme ishin bërë në provincë në 24 orë.

“Kjo është dita më e dhunshme në Baalbek që nga fillimi i agresionit izraelit në Liban”,- postoi Khodr.

Zona konsiderohet një bastion i milicisë shiite libaneze Hezbollah.