foto: VCG

Presidenti kinez Xi Jinping i dërgoi të shtunën një mesazh urimi Daniel Francisco Chapo-s për zgjedhjen si president i Republikës së Mozambikut.

Xi vuri në dukje që Kina dhe Mozambiku kanë një miqësi tradicionale. Vitet e fundit, besimi i ndërsjellë politik midis dy vendeve është thelluar, duke çuar në një bashkëpunim praktik të frytshëm dhe një mbështetje të ndërsjellë të palëkundur në çështjet që kanë të bëjnë me interesat thelbësore dhe shqetësimet kryesore të njëri-tjetrit.

Duke vënë në dukje se i kushton rëndësi të madhe zhvillimit të marrëdhënieve Kinë-Mozambik, Xi tha që është i gatshëm të punojë së bashku me presidentin e sapozgjedhur Chapo për të zbatuar rezultatet e Samitit të Pekinit të Forumit për Bashkëpunimin Kinë-Afrikë, për të promovuar miqësinë tradicionale, për të thelluar bashkëpunimin me dobi të ndërsjellë dhe për të çuar përpara partneritetin e gjithanshëm strategjik të bashkëpunimit Kinë-Mozambik, duke sjellë përfitime më të mëdha për popujt e të dy vendeve.