Kjo foto e marrë nga kufiri jugor i Izraelit me Rripin e Gazës tregon ushtarët izraelitë duke riparuar gjurmët e një tanku, 18 qershor 2024./Foto nga VCG

Ramez al-Skafi, një palestinez 30-vjeçar nga Gaza veriore, u shkëput me forcë nga familja e tij dhe u ndalua nga forcat izraelite pasi shtëpia e tij u shkatërrua, raporton gazeta The Guardian. Ai më pas iu nënshtrua një sprove shqetësuese: për më shumë se 10 ditë, ai u detyrua nga ushtria izraelite të vepronte si "mburojë njerëzore", në operacionet kundër eksplozivëve të fshehur dhe luftëtarëve të Hamasit në Gaza, sipas raportit. 

"Unë u përpoqa t'i rezistoja kërkesës të tyre, por filluan të më rrihnin. Oficeri më tha se nuk ishte zgjedhja ime. Unë duhet të bëja çfarë më kërkohej," tregoi Skafi, duke përshkruar se si oficerët izraelitë e detyruan të hynte nëpër shtëpive dhe tuneleve, përpara se të hynin ushtarët e tyre. 

Pretendimet e Skafit, të raportuara nga gazeta britanike në fillim të javës, përputhen me pamjet e publikuara më parë nga Al Jazeera, pikërisht me një nga videot ku dukej një i burgosur që detyrohej të futej në një tunel, pasi ishte i lidhur me litar dhe kishte një kamera të bashkangjitur në trup. 

Një raport i gushtit nga Haaretz, një gazetë izraelite, zbuloi gjithashtu se si ushtria izraelite përdorte palestinezët për të kryer misione zbulimi. Këta civilë, të referuar si "shawish" nga ushtarët - një term që rrjedh nga arabishtja që do të thotë "rreshter" - u detyruan të pastrojnë vendet e bllokuara potencialisht me uniforma ushtarake izraelite, tha Haaretz, duke cituar ushtarët izraelitë. 

Forcat izraelite të mbrojtjes (IDF) i mohojnë këto pretendime, duke thënë se rregullat e saj ndalojnë qartazi përdorimin e civilëve në situata luftarake dhe se pretendimet janë përcjellë për shqyrtim të mëtejshëm tek autoritetet përkatëse. Konventa e Gjenevës e ndalon rreptësisht përdorimin e civilëve si mburoja njerëzore, një praktikë që gjithashtu është e ndaluar sipas ligjit izraelit. 

Megjithatë, dëshmitë e Skafit dhe të arrestuarve të tjerë japin një pamje të zymtë. Në shumë raste, Skafi tha se ishte i detyruar të mbante një dron të vogël në shtëpi, duke filmuar ambientet e brendshme për ushtarët jashtë. “Pasi kisha mbaruar xhirimet e shtëpive nga brenda, largohesha. Më pas ata hynin dhe e shkatërronin atë”, tha ai. 

Dëshmia e Skafit pasqyron gjithashtu përvojat e dy palestinezëve të tjerë të intervistuar nga Guardian. Të dy përshkruanin se ishin subjekt i taktikave "shawish". Njëri prej tyre tha se ushtarët izraelitë instaluan një gjurmues GPS mbi të. Më pas e kërcënuan se do ta qëllonin nëse do të përpiqej të arratisej. 

Aktivitete të ngjashme raportuan dhe CNN e New York Times, të dy duke cituar ushtarët e IDF dhe ish të arrestuarit. 

"Më mirë të shpërthejë një palestinez se sa ushtarët tanë," i kishte thënë një komandant ushtarit të tij, sipas CNN. 

Grupet e të drejtave të njeriut thonë se këto rrëfime pasqyrojnë një problem të kahershëm, pavarësisht nga ndalimi i praktikave të tilla nga Izraeli. Raporti i Guardian iu referua gjithashtu një rasti të vitit 2010 në të cilin dy rreshterë të IDF-së u graduan, pasi detyruan një djalë nëntë vjeçar palestinez të hapte qese të dyshuara shpërthyese gjatë një operacioni.