Foto nga VCG

Kina ka mbi 15.000 organizata bamirësie të regjistruara, një rritje trefish në krahasim me pesë vjet më parë, njoftoi të mërkurën Ministria e Punëve Civile, citon “Xinhua”.

Një total prej 2062 fondesh bamirësie janë regjistruar në qeveri, 15 herë më shumë se shifra e pesë viteve më parë, bëri të ditur ministria në një konferencë për shtyp.

Nga viti 2018 deri në vitin 2020, periudha kritike e fushatës së zhdukjes së varfërisë në Kinë, organizatat bamirëse të vendit shpenzuan afërsisht 50 miliardë juanë (rreth 7 miliardë dollarë amerikanë) në vit për zbutjen e varfërisë, veçanërisht për mbështetjen e njerëzve që jetojnë në varfëri në zonat më pak të zhvilluara të vendit, sipas ministrisë.

Që nga viti 2023, rreth 6 miliardë juanë donacione bamirësie janë mbledhur për të ndihmuar njerëzit e prekur nga tërmetet, përmbytjet dhe fatkeqësitë e tjera natyrore në të gjithë vendin.