Ura Hong Kong - Zhuhai - Makao (HZMB)/VCG

Ura Hong Kong - Zhuhai - Makao (HZMB) festoi përvjetorin e gjashtë të hapjes së qarkullimit të enjten, me një rekord numri pasagjerës dhe makinash që kaluan në të, sipas të dhënave statistikore.

Sipas të dhënave nga Stacioni i Inspektimit Kufitar HZMB, 62.3 milionë pasagjerë kaluan në Portin Zhuhai deri më 22 tetor, me më shumë se 12.76 milionë automjete të zhdoganuara.

HZMB, një sistem transporti prej 55 km, lidh Rajonin Special Administrativ të Hong Kongut (RSA), Makaon SAR dhe qytetin Zhuhai në provincën Guangdong. Ky është kalimi detar më i gjatë në botë me urë dhe tunel.

Që nga inaugurimi, ura është bërë një nga kanalet më të njohura dhe më të përshtatshme për banorët e tre zonave për të udhëtuar, falë lidhjes rajonale dhe zhdoganimit 24-orësh në port.

Sipas të dhënave statistikore nga Stacioni i Inspektimit Kufitar të HZMB, fluksi i përgjithshëm i pasagjerëve që kaluan këtë vit arriti në 21.5 milionë persona - kalim deri më 22 tetor, një rritje prej 84.8% krahasuar me atë të vitit të kaluar dhe 1.96 herë më shumë se e njejta periudhë në 2019. 

"Përgjatë gjashtë viteve që nga hapja, numri i përgjithshëm i banorëve të Hong Kongut dhe Makaos që kanë hyrë e dalë nga kontinenti përmes urës ka tejkaluar 35.6 milionë herë, duke zënë më shumë se 57% të numrit të përgjithshëm. Në vitin 2024, numri i banorëve të Hong Kongut dhe Makaos që hynë dhe dolën në kontinent nëpërmjet urës tejkaloi 12.9 milionë persona - herë, duke u rritur 82.8% krahasuar me të njejtën periudhë të vitit kaluar, duke shënuar një rekord të ri," tha Chen Faqiu, Kryetar i Stacionit të Inspektimit Kufitar të HZMB. (Xu Guang)