Foto nga VCG

Kryeministri indian, Narendra Modi, është ofruar përsëri të ndërmjetësojë midis Rusisë dhe Ukrainës në një përpjekje për t’i dhënë fund konfliktit, shkruan “ATSH”.

“Ne mbështesim plotësisht vendosjen e paqes dhe stabilitetit”,- theksoi Modi gjatë një takimi me presidentin rus, Vladimir Putin.

Modi është një prej 20 krerëve të shteteve dhe qeverive që udhëtuan në Rusi për samitin e BRICS-it të vendeve të tregut në zhvillim.

“Problemet duhet të zgjidhen në mënyrë paqësore. India është në kontakt me të gjitha palët dhe është e gatshme të vazhdojë të ofrojë të gjitha llojet e mbështetjes për t’i dhënë fund luftës”,- shtoi ai.