Foto nga VCG

Me hapjen e pjesës së mesme të hënën përfundoi dhe hapja e gjithë tunelit të linjës 17 të metrosë së Pekinit, njoftoi ndërtuesi i saj “China Railway 14th Bureau Group Corporation Limited”, citon “Xinhua”.

Linja 17 e metrosë së Pekinit është një arterie kryesore transporti që kalon nga veriu në jug në kryeqytetin kinez, ku jetojnë rreth 21.9 milionë persona.

Me një gjatësi totale prej 49.7 kilometrash, linja 17 është projektuar të ketë 21 stacione.

Seksionet veriore dhe jugore të linjës u hapën për trafikun përkatësisht në vitin 2023 dhe në 2021.

Pasi e gjithë linja të jetë funksionale, pritet që ajo të zbusë presionin e trafikut në linjave 5 dhe 10.