Refugjatë afganë/VCG

Gjykata Europiane e Drejtësisë (ECJ) vendosi që gratë afgane kanë të drejtën e azilit në shtetet anëtare të Bashkimit Europian dhe nuk do të ketë nevojë për hetime apo edhe kontrolle të veçanta, sepse në Afganistan ndodhin akte reale të persekutimit ndaj grave, pasi shqyrtoi rastin e dy vajzave të reja afgane, shkruan “ATSH”.

Pasi kishin emigruar në Austri në vitin 2015 dhe 2020, para pushtimit të vendit nga talebanët në vitin 2023, dy grave iu refuzua azili politik, por nga gushti 2021 gjykata austriake hapi një diskutim për dy dyshime kryesore: Nëse duhet të konsiderohen masat diskriminuese të zbatuara nga talebanët akte të persekutimit në mënyrë që atyre t’u jepet “statusi i refugjatit” dhe cilët duhet të jenë elementët që duhen konsideruar si të tillë, përtej kombësisë dhe gjinisë së aplikantit.

Gjykata Europiane në fakt ka vërtetuar se të gjitha gratë në Afganistan jetojnë në një gjendje të tillë që mund të konsiderohen refugjate politike.

“Ato janë të persekutuara, shpesh me dinjitetin e tyre të reduktuar në minimum, liritë dhe të drejtat thuajse inekzistente dhe thjesht fakti i ardhjes nga ai vend dhe të qenit gra u garanton atyre hyrjen në Bashkimin Evropian”,- thuhet në deklaratën e gjykatës.