Luiza Gega fiton Maratonën e Tiranës (Foto Java News)

Atletja shqiptare Luiza Gega ka vendosur një rekord kombëtar në Maratonën e Tiranës, njofton panorama.al.  Në disiplinën 42 km ajo zuri vendin e parë, duke e përshkuar këtë distancë për 2 orë e 34 minuta. Gega, e cila ka marrë pjesë në këtë maratonë për të tetin vit, falenderoi mbështetësit e saj.

“Kam njerëz që më mbështesin në atë që bëj. Kjo maratonë është ndryshe nga çdo garë që bëj,” tha ajo.

Edicioni i tetë i maratonës në Tiranë mblodhi 5 mijë vrapues nga e gjithë bota, të cilët garuan në kategori të ndryshme.

Ranë në sy si për femra ashtu edhe për meshkuj ishin dy atletë kenianë, Valentine Benedek Jebet  dhe Kennedy Kipkmoi Rono.