Kryeministri izraelit (Foto Atsh)

Kryeministri izraelit, Benjamin Netanyahu, urdhëroi një rritje të konsiderueshme të dërgesave për popullatën në Rripin e Gazës, raportuan mediet izraelite.

Transmetuesi publik izraelit “Kan” raportoi se 250 kamionë në ditë do të dërgojnë mallra humanitare në zonë, ku lufta po vazhdon prej më shumë se një viti.

Vendimi i Netanyahut vjen pas kërcënimeve të SHBA-së për të shkurtuar dërgesat e armëve për Izraelin, nëse situata e popullatës civile palestineze në Rripin e Gazës nuk përmirësohet, shkruan “ATSH”.

Sipas autoritetit izraelit përgjegjës për çështjet palestineze, Koordinimi i Aktiviteteve Qeveritare në Territore (COGAT), 50 kamionë që transportonin ndihma hynë në Gaza të mërkurën dhe 30 të tjerë hynë të enjten.

Situata konsiderohet veçanërisht e rëndë në pjesën veriore të Gazës.

UNICEF-i ka raportuar se pothuajse një në pesë fëmijë në Gaza tashmë vuan nga shpërdorimi, forma më kërcënuese për jetën e kequshqyerjes.

Sipas shifrave të OKB-së, rreth 500 kamionë në ditë dërgonin mallra dhe ndihma në Rripin e Gazës përpara fillimit të luftës në tetor 2023.