Presidenti rus (Foto Atsh)

Presidenti rus, Vladimir Putin, akuzoi Ukrainën se nuk ishte e gatshme për të negociuar për paqen.

Gjatë një konference për shtyp në Moskë, Putin tha se presidenti ukrainas, Volodymyr Zelensky, bën vazhdimisht kërkesa, por nuk ofron propozime.

Sipas tij, Rusia është e gatshme të zhvillojë bisedime për paqen dhe se ishte i hapur që Arabia Saudite të priste negociata të tilla, por theksoi se përmbajtja ishte e rëndësishme, shkruan “ATSH”.

Ai tha se Rusia ishte gati për bisedime të reja në bazë të marrëveshjeve të arritura tashmë me përfaqësuesit ukrainas në Stamboll.

Këto marrëveshje parashikojnë, ndër të tjera, se Ukraina do të duhet të heqë dorë nga kërkesa e saj për anëtarësim në NATO.

Putin gjithashtu kritikoi NATO-n për përplasjen me Rusinë nëpërmjet Ukrainës.