foto: VCG

Korrja e sojës në zonën kryesore të prodhimit të këtij drithi në Kinë, në Heihe, në provincën Heilongjiang, është afër përfundimit, gati për një korrje të shpejtë, njoftoi Autoriteti Bujqësor i qytetit, citon “Xinhua”.

Korrja ka përfunduar në më shumë se 90 për qind të sipërfaqes së mbjelljes me sojë prej 1.38 milionë hektarësh të Heihe-s, gati 10 për qind më e shpejtë se ajo e vitit të kaluar, tha Su Hui, zëvendësdrejtor i Departamentit të Bujqësisë dhe Çështjeve Rurale të qytetit.

Në zonat e korrura, kultivuesit dhe autoritetet lokale kanë filluar të kryejnë ruajtjen dhe përgatitjen e tokës për të arritur rendiment të lartë vitin e ardhshëm.

foto: VCG

“Prodhimi i sojës së Heihe-s këtë vit është gati të rritet, krahasuar me atë të vitit të kaluar, i cili pjesërisht duhet t'i atribuohet varieteteve të sojës me cilësi të lartë dhe teknologjisë së përmirësuar të mbjelljes”,- tha Jia Hongchang, studiuese në degën e Heihe-s të Akademisë së Shkenca Bujqësore Heilongjiang.

Heilongjiang, hambari kryesor i drithit në Kinë, është provinca më e madhe e vendit që prodhon sojë. Vetëm Heihe prodhon rreth një të shtatën e prodhimit të sojës në vend. Prodhimi i sojës së qytetit në vitin 2023 arriti në 2.6 miliardë kg. Jia tha se provinca ka përshpejtuar ndërtimin e bazave të kultivimit të farave të sojës për zhvillimin e farave me cilësi të lartë.

foto: VCG

Zonat e plantacioneve të Heihe kanë realizuar një shkallë mbulimi 100 për qind të farave të sojës me cilësi të lartë. Me ritmin më të shpejtë të korrjes, blerësit e mëdhenj të drithërave po rrisin stokun e tyre.

“Këto ditë, vëllimi i blerjeve është rritur ndjeshëm për të arritur maksimumin në mbi 300 tonë në ditë. Të gjitha makineritë automatike të presimit të vajit të sojës janë ndezur për përpunimin e këtij drithi”,- tha Chen Liang, kryetar i “Heilongjiang Xuda Cereals, Oils and Foods Co., Ltd”.