Ambasadorja shqiptare në Greqi Luela Hajdaraga(Foto ATSh)

Ambasadorja e Shqipërisë në Greqi, Luela Hajdaraga, zhvilloi një takim me themeluesin e “Sky Express”, Ioannis Grillos.

Gjatë takimit u bë e ditur nisja e fluturimeve direkte Tiranë-Athinë, duke nisur nga 14 tetori, me pesë fluturime në javë që lidhin kryeqytetet e Shqipërisë dhe Greqisë, shkruan “ATSH”.

Në një postim në rrjetet sociale, Ambasada e Shqipërisë në Greqi bëri të ditur se ky hap i rëndësishëm pritet të rrisë shkëmbimet kulturore dhe ekonomike, si dhe të lehtësojë lidhjet ajrore e të nxisë turizmin mes dy vendeve.