Foto nga VCG

Autoritetet industriale kineze publikuan një udhëzues për ndërtimin e më shumë platformave testimi pilot për materiale të reja, për të mbështetur zhvillimin e sektorit.

Deri në vitin 2027, vendi pret të nxisë një sistem platformash testimi pilot, që përmban ndërtim profesional, funksionim të orientuar nga tregu dhe shërbime të hapura, sipas dokumentit të publikuar bashkërisht nga Ministria e Industrisë dhe Teknologjisë së Informacionit dhe Komisioni Kombëtar i Zhvillimit dhe Reformës, cituar nga “Xinhua”.

Për këtë qëllim, Kina planifikon të ndërtojë rreth 300 platforma të reja lokale të testimit pilot të materialit dhe të zhvillojë rreth 20 të nivelit të lartë midis viteve 2024 dhe 2027, thuhet në udhëzues.

Foto nga VCG

Sipas dokumentit, do të bëhen përpjekje për të përmirësuar infrastrukturat, mbështetjen teknologjike dhe shërbimet publike të këtyre platformave, që ndihmojnë në vendosjen e rezultateve të kërkimit laboratorik në prodhimin industrial.

Vëmendje e veçantë do t'i kushtohet platformave që mbështesin zhvillimin e teknologjive dhe materialeve kryesore gjenerike në fushat e petrokimikeve, çelikut, metaleve me ngjyrë, metaleve joorganike dhe materialeve të fundit.