Prokurorët gjermanë në Tiranë (Foto Atsh)

Zëvendësministri i Drejtësisë, Klajd Karameta, priti në një takim një delegacion me gjyqtarë dhe prokurorë nga landi Nordrhein-Westfallen i Gjermanisë, të cilët vizituan Shqipërisë në kuadër të një vizite studimore.

Gjatë këtij takimi u prezantua rruga e reformave në sistemin shqiptar të drejtësisë, si dhe sfidat e përballuara në dekadën e fundit, shkruan “ATSH”.

Diskutimet u fokusuan në ngjashmëritë dhe dallimet mes dy sistemeve, me synim shkëmbimin e përvojave dhe njohurive.

“Shqipëria vijon të forcojë urat e komunikimit dhe bashkëpunimit me profesionistët europianë të ligjit, duke synuar integrimin e plotë në familjen europiane”,- thuhet në njoftimin për shtyp të Ministrisë së Drejtësisë. (Irma)