Ushtare (Foto Atsh)

Milicia libaneze e Hezbollahut ka lëshuar rreth 200 predha dhe disa dronë në veri të Izraelit brenda një dite, njoftoi Ushtria izraelite.

Forcat Mbrojtëse të Izraelit (IDF) bënë të ditur se sirenat e sulmit ajror u dëgjuan vazhdimisht në disa qytete izraelite. Disa nga raketat u kapën, ndërsa të tjerat ranë mbi zona të pabanuara, shkruan “ATSH”.

Nuk është dhënë asnjë informacion për viktima të mundshme apo dëme të mëdha.

IDF-ja ndërkohë ka vazhduar të godasë objektivat e Hezbollahut në Liban, duke përfshirë zonat e banuara të kryeqytetit, Bejrut.

Është e paqartë se sa njerëz u vranë në ato sulme.  (Irma)