Të zhvendosurit (Foto Panorama)

Shumica e 900 strehimoreve të Libanit janë plot, me njerëzit që ikin nga sulmet ajrore izraelite duke fjetur gjithnjë e më shumë jashtë, deklaroi një zyrtare e Agjencisë së Refugjatëve të OKB-së, shkruan “Panorama”.

“Shumica e rreth 900 strehimoreve kolektive të krijuara nga qeveria në Liban nuk kanë më kapacitet”,- tha Rula Amin e UNHCR-së me bazë në Gjenevë.

Sipas saj, me fillimin e dimrit, UNHCR-ja është e shqetësuar se kushtet për ata që janë prekur nga konflikti në përshkallëzim vetëm do të përkeqësohen.

Sipas autoriteteve libaneze, më shumë se 1.2 milionë njerëz janë zhvendosur nga sulmet izraelite.

Mbretëria e Bashkuar ka njofutar se do të dërgojë 10 milionë paund në ndihmë humanitare në Liban për të mbështetur numrin në rritje të njerëzve të zhvendosur. (Irma)