Më 27 shtator, ambasada e Kinës në Shqipëri zhvilloi me sukses në Tiranë "Festivalin e ushqimit kinez". Në këtë veprimtari morën pjesë më shumë se 1000 veta, duke përfshirë ambasadoren Pang Chunxue, zëvendësministren për Europën dhe Punët e Jashtme të Shqipërisë Megi Fino, përfaqësues të misioneve të huaja e të institucioneve të financuara nga Kina në Shqipëri, si edhe njerëz nga të gjitha sferat e jetës.

Festivali kishte shumë pjesëmarrës dhe mjedisi ishte plot gjallëri. Së bashku me restorantet kineze, ambasada kishte përgatitur shumë gatime të veçanta kineze, si  chun juan, shishqebap, peshk të tymosur, çaj qumështi etj.

Foto nga Ambasada e Kinës në Shqipëri

Pedagogët nga Instituti "Konfuci" në Universitetin e Tiranës demonstruan kulturën tradicionale kineze, si veshjet tradicionale Tang, kaligrafinë dhe veglën muzikore guzheng, duke tërhequr shumë të ftuar ta përjetonin atë dhe të bënin fotografi. Suvenirët kulturorë, si kukullat panda, magnetët e frigoriferit me maska dhe kukullat e pikturuara janë më të njohura për miqtë shqiptarë, duke demonstruar plotësisht forcën tërheqëse dhe ndikimin e kulturës kineze.

Ky festival, i organizuar nga ambasada kineze në Shqipëri në bashkëpunim me Ministrinë e Ekonomisë, Kulturës dhe Inovacionit të Shqipërisë, është një nga aktivitetet e Javës së Kulturës Kineze për vitin 2024.