Emigrantet (Foto Atsh)

Më shumë se 25.000 emigrantë kanë mbërritur në Britaninë e Madhe përmes Kanalit të La Manshit gjatë këtij viti.

Të dhënat nga Departamenti për Emigracionin, Sigurinë, Ligjin dhe Rendin në Ministrinë e Brendshme britanike tregojnë se 13 varka me 717 persona që mbërritën të dielën e kanë çuar numrin total të deritanishëm të emigrantëve në 25.052, shkruan “ATSH”.

Foto nga VCG

Ky është numri i tretë më i lartë i mbërritjeve të regjistruara në një ditë të vetme këtë vit, pasi u raportuan 882 më 18 qershor dhe 801 më 14 shtator.

Kjo do të thotë gjithashtu se 1424 kalime në Kanalin e La Manshit u zhvilluan këtë fundjavë, pasi 707 persona të tjerë mbërritën të shtunën me 11 varka.

Foto nga VCG

Totali deri tani është rritur me 4%, krahasuar me 23.996 në të njëjtën periudhë të vitit te kaluar, por 21% më i ulët se e njëjta periudhë në vitin 2022, (31 686). (Elona)