Foto CFP

Një gomone më emigrantë është mbytur në ujërat greke. Tre persona kanë humbur jetën, ndërsa shumë të tjerë rezultojnë ende të zhdukur.

Gomonia me emigrantë u mbyt në brigjet e Samos, ku autoritete greke kanë nisur operacionet e kërkim-shpëtimit.

Një mjet patrullimi i Rojës Bregdetare dhe një helikopter kanë nisur kërkimet për të zhdukurit, por kushtet e këqija atmosferike në zonë vështirësojnë operacionin e shpëtimit, shkruan “RTSH”.

Mendohet se në gomone ndodheshin 33 persona.

Sipas autoriteteve, 5 emigrantë kanë mundur të dalin në breg të detit, ndërsa 3 janë gjetur pa shenja jete. 25 emigrantë të tjerë rezultojnë të zhdukur. (Fatosi)