Foto nga VCG

Ish-presidenti Donald Trump deklaroi të shtunën se ishte "shumë vonë" për të pasur një tjetër debat presidencial sepse amerikanët kanë filluar të votojnë në zgjedhjet e 2024-ës, shkruan rtsh.al.

“Problemi me një debat tjetër është se është thjesht tepër vonë, votimi tashmë ka filluar”, tha Trump në një tubim në Wilmington, Karolina e Veriut. Trump shtoi, duke iu referuar zëvendëspresidentes Kamala Harris: “Tani ajo dëshiron të bëjë një debat para zgjedhjeve me CNN sepse po humbet keq”.

Harris tha më herët të shtunën se ajo kishte pranuar një ftesë nga CNN për të marrë pjesë në një debat në tetor. Fushata e Trump përsëriti komentet e mëparshme të ish-presidentit se ai nuk do të merrte pjesë në një debat tjetër.

Sondazhet kombëtare vazhdojnë të tregojnë asnjë lider të qartë në garën mes Harris dhe Trump.(Fatosi)