Foto nga RTSH

Murale të reja po zbukurojnë qytetin e Shkodrës, shkruan rtsh.al.  Pas restaurimit të fasadave të pallateve në lagjen “Partizani” në Shkodër,  pak ditë më parë ka nisur puna për realizimin e muraleve në disa prej fasadave kryesore.

Muralet që po realizohen më së shumti kanë motive tradicionale.  Ideatorët e kësaj nisme thonë se muralet, një prej formave të artit publik, mund të ndikojnë  në pamjen e  qyteti të Shkodrës. Ato janë një mënyrë e mire për të shtuar ngjyrë e kulturë në ambientin e ndërtesave ku po vendosen. Qytetarët vlerësojnë se muralet do ta bëjnë qytetin më tërheqës dhe më të shndritshëm për banorët dhe vizitorët.(Fatosi)