Ministri Malaj (Foto Atsh)

Ministri i Financave, Petrit Malaj, priti në një takim drejtoreshën e BERZH-it për Shqipërinë, Ekaterina Solovova.

Përmes një postimi në rrjetet sociale, cituar nga “ATSH”, ministri Malaj bëri të ditur se gjatë takimit u diskutua mbi forcimin e bashkëpunimit mes dy institucioneve, me fokus sektorë prioritarë, si infrastruktura, energjia e rinovueshme, investimet e gjelbra, por edhe përmirësimin e klimës së biznesit.

“Banka Europiane për Rindërtim dhe Zhvillim është një mbështetëse e rëndësishme për Shqipërinë, veçanërisht për zhvillimin e qëndrueshëm”, u shpreh ai.

BERZH-i llogarit mbi 2 miliardë euro investime kumulative në Shqipëri, në një total prej 152 projektesh. (Irma)