Permbytjet ne Itali (Foto Rtsh)

Stuhia “Boris” shkaktoi përmbytje të mëdha dhe rrëshqitje dheu në në rajonin verior italian të Emilia-Romagna-s, ku autoritetet njoftuan për evakuimin e banorëve, shkruan “Panorama”.

Jader Dardi, kryebashkiaku i Modigliana-s, një qytet në provincën Forlì-Cesena që u godit gjithashtu nga përmbytjet shkatërruese, deklaroi se situata është shumë dramatike. Ai u bëri thirrje banorëve të zonës që të ngjiten në katet më të larta të shtëpive të tyre.

Zyrtarët kanë urdhëruar evakuimin e shtëpive përdhese dhe me bodrume, në zonat e prekura.

Për shkak të rrëshqitjeve të dherave janë bllokuar edhe disa rrugë.

Paralajmërimet për mot të rëndë mbeten në fuqi në Emilia-Romagna dhe Marche.

Shkollat janë mbyllur dhe njerëzit janë këshilluar të shmangin udhëtimet dhe, kur është e mundur, të punojnë nga shtëpia.

Stuhia “Boris” ka prekur Europën Qendrore dhe Lindore, duke shkaktuar dhjetëra viktima.  (Irma)