Foto nga VCG

Ministrja e Jashtme gjermane, Annalena Baerbock, deklaroi se Gjermania do të japë 100 milionë euro shtesë ndihmë për Ukrainën këtë dimër.

Gjatë një vizite në Moldavi, ajo theksoi se Rusia po planifikon një luftë dimërore me qëllimin për t'i bërë jetët e njerëzve në Ukrainë sa më të tmerrshme të jetë e mundur, shkruan “RTSH”.

Rusia ka nisur një valë sulmesh ndaj infrastrukturës energjetike të Ukrainës, siç janë termocentralet, duke shkaktuar ndërprerje të vazhdueshme të energjisë në disa zona të vendit.

Prej kohësh, Ukraina ka bërë të ditur se nevojitet më shumë mbrojtje ajrore për të lejuar riparimet në infrastrukturë në mënyrë që të sigurohet kërkesa për energji në dimër. (Elona)