Lojtarët kinezë të badmintonit fituan dy nga pesë finalet në Hong Kong Open që u zhvillua në Rajonin e Posaçëm Administrativ të Hong Kongut të Kinës jugore.

Foto nga VCG

Han Yue mundi Putri Kusuma Wardani nga Indonezia 21-18, 21-7 në finalen e femrave për të siguruar medaljen e artë, shkruan “CGTN”.

Fituesi i fundit kinez i ngjarjes ishte Chen Yufei në 2019.

Foto nga VCG

Dy çifte kineze u përballën me njëra-tjetrën në finalen dyshe të përzier. Fituesit Jiang Zhenbang dhe Wei Yaxin mundën Feng Yanzhe dhe Huang Dongping, me rezultatin 21-19, 21-19.

Wei e fitoi këtë event edhe vitin e kaluar kur u bashkua me Guo Xinwa.

Lei Lanxi e Kinës sfidoi fituesin e medaljes së artë olimpike të Parisit 2024, Viktor Axelsen nga Danimarka, në finalen e meshkujve. Axelsen mori fitoren përfundimtare 21-9, 21-12, duke qëndruar në krye të podiumit për herë të parë në Hong Kong Open. (Irma)