Media zyrtare e një prej panaireve më të rëndësishme të turizmit e ka etiketuar Shqipërinë si një ndër vendet më interesantë për t’u vizituar. Ajo e përshkruan gjerësisht vendin tonë duke nënvizuar se ”natyra dhe aventura janë dy elementë që kombinohen më së miri në Shqipëri”.
Panairi i Turizmit ne Berlin - foto ATSH
Më tej artikulli vijon duke konstatuar se “Peizazhi magjepsës i vendit, i përbërë nga fusha të gjera, pyje të gjelbëruar dhe majat më të larta, ofron mundësi të pafundme për të gjithë adhuruesit e natyrës për të eksploruar disa nga peizazhet më befasuese që mund të imagjinohen.
Me 21,5% të territorit të saj të përcaktuar si zonë e mbrojtur, Shqipëria është shtëpia e gjelbërimit të harlisur dhe kafshëve të egra mahnitëse, duke u dhënë udhëtarëve mundësinë për t’u bërë njësh me natyrën dhe për të vëzhguar një sërë speciesh të ndryshme në habitatet e tyre natyrore.
Kjo anë e Shqipërisë ka tërhequr gjithnjë e më shumë vëmendje vitet e fundit, duke i ftuar udhëtarët të shkojnë përtej vijës bregdetare tashmë të njohur botërore. Pra, nëse doni të eksploroni natyrën përmes aventurave që kujdesen për të gjitha shqisat, kjo është ajo që duhet të përfshijë lista juaj.
Hiking neper Shqiperi- foto ATSH
Hiking dhe trekking
Bjeshkët e Nemuna janë të bekuara me disa nga pamjet më të pabesueshme që mund të imagjinoni. Destinacioni është i popullarizuar në mesin e alpinistëve gjatë gjithë vitit, duke ofruar arratisjen dhe frymëmarrjen e përsosur të ajrit të pastër nga ngutja dhe nxitimi i qyteteve.
Por, ky nuk është i vetmi varg malor i famshëm për të cilin njihet vendi, pasi ai mburret edhe me maja të tjera të shpërndara në të gjithë territorin, si Tomorri, Dajti, Çika, Nёmёrçka apo Korabi, me nivele të ndryshme sfidash për të gjithë alpinistët.
Pavarësisht nga një rritje e dukshme gjatë viteve të fundit, ky aspekt i turizmit është ende mjaft i ri, kështu që mund t’ju duhet ndihma e një udhërrëfyesi profesionist ose një vendas me përvojë.
Rafting dhe kajak
Shqipëria është gjithashtu shtëpia e luginave të ndryshme me lumenj dhe përrenj të mrekullueshëm, të përsosura për aventura ujore. Luginat e sipërme të Osumit janë destinacioni i preferuar i atyre që duan rafting, pasi kanionet mahnitëse shtrihen 17 kilometra.
Aventurierët mund të eksplorojnë gjithashtu luginën e Valbonës dhe Shalës në Alpe, si dhe liqenin e Komanit në veri, ose mund të udhëtojnë në jug për të eksploruar lumin Vjosë dhe luginën e Devollit.
Për ata që merren me kanoe, aventura mahnitëse ju presin në shkallën e Tujanit, pranë kryeqytetit, Tiranës, grykëderdhjes së lumit Mat dhe rivierës shqiptare, ku mund të bëni kanoe.
Turizmi i aventures ne Shqiper - foto ATSH
Vëzhgimi i zogjve
Ligatinat bregdetare të Karavastasë janë vendi më perëndimor i shumimit të pelikanit dalmat. Këtë specie madhështore mund ta dalloni me dylbi nëse vizitoni Parkun Kombëtar Divjakё-Karavasta, ku ndodhet laguna.
Aventurat e vëzhgimit të shpendëve ju presin edhe në Kune-Vain, Patok, Tale, Lagunën e Nartës, rezervatin natyror buzë lumit Drin (shtëpia e shqiponjave, e lugëve e çafkave), si dhe liqeni i Shkodrës.
Aktivitete të tjera të shquara që ofrohen në vend janë ngjitja, çiklizmi dhe çiklizmi malor, kalërimi, lundrimi, peshkimi, zhytja, garat dhe kampingu”, përfundon artikulli.
Përgatiti: N. Kraja
