foto nga VCG

Kreu i Inteligjencës ushtarake ukrainase ka thënë se rritja e prodhimit të bombave nga Rusia si dhe dërgesat e municioneve të  artilerisë nga Koreja e Veriut, paraqesin probleme të mëdha për forcat ukrainase në fushëbetejë, njofton panorama.al.

foto nga VCG

Kyrylo Budanov, theksoi se ndihma ushtarake e Koresë së Veriut për Rusinë paraqet shqetësimin më të madh në krahasim me mbështetjen e ofruar nga aleatët e tjerë të Moskës.

“Ata furnizojnë sasi të mëdha municionesh artilerie, gjë që është kritike për Rusinë”, tha ai, duke treguar për rritjen e armiqësive në fushëbetejë pas dërgesave të tilla.

foto nga VCG

Ukraina dhe Shtetet e Bashkuara, mes vendeve të tjera dhe analistëve të pavarur, thonë se udhëheqësi i Koresë së Veriut, Kim Jong Un, po ndihmon Rusinë në luftën kundër Ukrainës duke furnizuar me raketa dhe municion në këmbim të ndihmës ekonomike dhe të tjera ushtarake nga Moska.(Fatosi)