foto nga VCG

Departamenti Amerikan i Shtetit ka miratuar një tjetër marrëveshje prej 165 milionë dollarësh për armatimin e Izraelit.

Marrëveshja e armëve, e cila përfshin rimorkio me tanke të rënda, pjesë këmbimi, mjete veglash dhe mbështetje logjistike, pritet të dorëzohet deri në vitin 2027, shkruan “RTSH”.

Kjo marrëveshje vjen pasi SHBA-ja njoftoi një paketë të veçantë prej 20 miliardë dollarësh për Izraelin në fillim të këtij viti, duke përfshirë avionët luftarakë F-15. Ashtu si rimorkiot e tankeve, këto sisteme nuk pritet të dorëzohen për disa vite.

Avionët luftarakë Boeing F-15 do të duan vite për t'u prodhuar, me dërgesat e planifikuara të fillojnë në vitin 2029.

Pajisjet e tjera do të fillojnë të shpërndahen në vitin 2026 ose pak më herët. Administrata amerikane përballet me presionin në rritje nga ligjvënësit dhe publiku për të reduktuar mbështetjen ushtarake për Izraelin, për shkak të shkallës së lartë të viktimave civile në Gazë.

foto nga VCG

Pavarësisht kësaj, administrata vazhdon të ruajë mbështetjen e saj ndaj Izraelit.

SHBA-ja, aleati kryesor i Izraelit, ka dërguar më shumë se 10 mijë bomba shkatërruese dhe mijëra raketa “Hellfire” që nga fillimi i luftës së Gazës në tetor.

Lufta ka shkatërruar Gazën dhe ka rezultuar në një numër të madh të vdekjeve të civilëve, me rreth 41.100 palestinezë të vrarë dhe 95.000 të tjerë të plagosur, sipas autoriteteve shëndetësore palestineze.

foto nga VCG

Ofensiva ushtarake e Izraelit kundër palestinezëve në Gaza ka zhvendosur pothuajse të gjithë popullsinë prej 2.3 milionë banorësh, ka shkaktuar uri dhe ka çuar në akuza për gjenocid në Gjykatën Ndërkombëtare të Drejtësisë, të cilat Izraeli i mohon. (Irma)