foto nga VCG

Mbretëria e Bashkuar thuhet se ka rënë dakord të lejojë Ukrainën të përdorë raketat “Storm Shadow” të furnizuara nga Britania për sulme me rreze të gjatë thellë në territorin rus, bëhet e ditur në mediet vendase, shkruan “RTSH”.

Duke cituar zyrtarë të paidentifikuar në Mbretërinë e Bashkuar, raporti mediatik sugjeron se ky ndryshim i rëndësishëm në politikë është bërë me dyer të mbyllura, megjithëse nuk pritet asnjë njoftim zyrtar publik.

Vendimi vjen mes diskutimeve të vazhdueshme midis Ukrainës dhe aleatëve të tij perëndimorë rreth kufizimeve të vendosura në përdorimin e armëve me rreze të gjatë.

Ukraina ka pohuar prej kohësh se kufizime të tilla pengojnë aftësinë e saj për të mbrojtur veten.

Megjithatë, SHBA-ja ka qenë e kujdesshme për të lejuar Ukrainën të synojë thellë brenda Rusisë, nga frika se mund të përshkallëzojë më tej konfliktin. (Irma)