Ish-kryeministri italian, Mario Draghi, i ka bërë thirrje Bashkimit Europian që të zhvillojë një strategji të re industriale për të ringjallur konkurrencën e bllokuar të bllokut për të arritur rritje ekonomike, shkruan “ATSH”.

Ish-kryeministri italian, Mario Draghi(Foto nga VCG)

Draghi e përshkroi BE-në si të ngecur në një strukturë statike industriale, krahasuar me SHBA-në dhe Kinën, dhe bëri thirrje për më shumë investime në kërkimin dhe inovacionin, teknologjitë e energjisë së pastër dhe vendimmarrje më të shpejtë rregullatore.

“Për të arritur një rritje të re ekonomike, BE-ja ka nevojë për investime me vlerë 750-800 miliardë euro (829-850 miliardë dollarë) në vit, ekuivalente me deri në 4.7% të Prodhimit të Brendshëm Bruto të BE-së në vitin 2023”,- tha Draghi,.

Për të treguar shkallën e investimit dhe sfidës së kërkuar, Draghi iu referua Planit Marshall të SHBA-së për të rindërtuar Europën pas Luftës së Dytë Botërore. (Irma)