Foto ilustruese( foto nga Cristina Quicler- AFP via Getty Images)
Më shumë se 176 mijë njerëz vdesin mesatarisht çdo vit në Evropë nga efektet e të nxehtit ekstrem. Nga një total global prej rreth 489 mijë vdekjesh të regjistruara midis viteve 2000 dhe 2019, kjo është 36 për qind e totalit. Kjo shpjegohet nga një studim i publikuar nga Organizata Botërore e Shëndetësisë (OBSH), i cili merr në konsideratë të dhënat nga 53 vende: makro-zona e konsideruar përfshin gjithashtu disa kombe aziatike.
Drejtori i OBSH-së për Evropë, Hans Kluge, ka ngritur alarmin, pak ditë pas apelit të Sekretarit të Përgjithshëm të Kombeve të Bashkuara, António Guterres, për të vepruar kundër krizës klimatike.
Katër fusha për të ndërhyrë
Te nxehtet ne Evrope (foto nga The map report)
Ekzistojnë katër fusha kritike të ndërhyrjes, ka theksuara nga Guterres: kujdesi për njerëzit vulnerabël, mbrojtja e punëtorëve, rritja e elasticitetit të ekonomive dhe shoqërive dhe kufizimi i rritjes së temperaturës globale në 1.5 ° C.
"Kjo nuk mund të jetë më e rëndësishme për rajonin evropian - nënvizon Kluge - ku gjatë 20 viteve të fundit ka pasur një rritje prej 30% të vdekshmërisë nga nxehtësia, me një rritje të vdekjeve në pothuajse të gjitha vendet e rajonit ku po monitorohet. Stresi ekstrem i nxehtësisë është "shkaku kryesor i vdekjeve të lidhura me klimën në rajon, vëren ai. Temperaturat ekstreme përkeqësojnë gjendjet kronike, të tilla si sëmundjet kardiovaskulare, të frymëmarrjes dhe cerebro-vaskulare, përkeqësojnë shëndetin mendor dhe çrregullimet që lidhen me diabetin”.
Drejt udhëzimeve të përditësuara të OBSH-së
Valët gjithnjë e më të shpeshta të të nxehtit janë “një problem veçanërisht për të moshuarit, veçanërisht për ata që jetojnë vetëm, por edhe për gratë shtatzëna”. Drejtori i OBSH-së për Evropë kujton se "efektet negative shëndetësore të ngrohjes globale janë kryesisht të parandalueshme nëpërmjet praktikave të mira të shëndetit publik: nëse jemi më të përgatitur për një rajon më të nxehtë evropian, do të shpëtojmë shumë jetë, tani dhe në të ardhmen", komenton Kluge, duke njoftuar se "OBSH Europe, nëpërmjet Qendrës Evropiane për Mjedisin dhe Shëndetin, aktualisht po zhvillon një botim të dytë të përditësuar të udhëzimeve për zhvillimin e planeve të veprimit kundër nxehtësisë. Kjo do të sigurojë një kuadër të bazuar në prova për qeveritë kombëtare dhe lokale për të zhvilluar ose për të përditësuar planet e tyre. Ne duhet të forcojmë veprimet e koordinuara për të mbrojtur shëndetin tonë nga ndikimet më të drejtpërdrejta dhe vdekjeprurëse të ndryshimeve klimatike”, deklaroi ai.
Temperatura rekord ne Evrope( foto msn.com)
OBSH thotë se është pesimiste për të ardhmen
“Kjo është një thirrje që nuk mund të ishte më e rëndësishme, në një rajon ku, gjatë njëzet viteve të fundit, ne kemi regjistruar një rritje prej 30 për qind të vdekshmërisë së shkaktuar nga nxehtësia, me vdekje në rritje në pothuajse të gjitha vendet që i nënshtrohen monitorimit”, shtoi Kluge.
OBSH nuk shprehet në një mënyrë optimiste për të ardhmen: sipas agjencisë së OKB-së me bazë në Gjenevë, numri i viktimave të lidhura me nxehtësinë "do të rritet" në vitet e ardhshme, pikërisht për shkak të ndryshimeve klimatike.
Përgatiti: N. Kraja
