Foto nga VCG

Kancelari gjerman, Olaf Scholz, u ka bërë thirrje partive politike që të përjashtojnë ekstremistët e krahut të djathtë, pasi rezultatet paraprake treguan se Alternativa për Gjermaninë (AfD) e ekstremit të djathtë kryesoi në zgjedhjet shtetërore, shkruan “RTSH”.

Sipas kancelarit gjerman, vendi nuk mund dhe nuk duhet të mësohet me këtë. “AfD-ja po e dëmton Gjermaninë. Ajo po dobëson ekonominë, po ndan shoqërinë dhe po shkatërron reputacionin e vendit”,- tha Sholz, i cili i konsideroi rezultatet si tejet shqetësuese.

AfD-ja fitoi pothuajse një të tretën e votave, nëntë pikë përpara CDU-së konservatore dhe shumë përpara tre partive qeverisëse të Gjermanisë.

Rezultati i jep të djathtës ekstreme fitoren e parë të votës në një parlament shtetëror që nga Lufta e Dytë Botërore, megjithëse ka pak shpresë për të formuar një qeveri në Turingi.

AfD-ja doli e dyta në zgjedhjet e tjera të mëdha shtetërore të së dielës, në shtetin fqinj më të populluar të Saksonisë. CDU-ja mori 31.9% të votave, pak më shumë se një pikë përpara AfD-së, përsëri shumë më përpara se tre partitë që drejtojnë qeverinë kombëtare - Social Demokratët, Të Gjelbrit dhe FDP liberale.

Kandidati kryesor i AfD-së në Turingi, Björn Höcke, i cili është një figurë shumë e diskutueshme në Gjermani, përshëndeti fitoren historike dhe foli për krenarinë e tij të madhe.

Ai thuhet se dështoi të fitonte një mandat të drejtpërdrejtë për parlamentin e shtetit, por megjithatë mund të fitojë një vend sepse është në krye të listës së partisë së tij. (Fatosi)