Foto nga VCG

Dhjetëra protestues bllokuan një rrugë në Tel Aviv, që përkon me grevën e përgjithshme në vend, duke kërkuar nga qeveria të arrijë një marrëveshje për lirimin e pengjeve të mbajtura nga Hamasi në Gaza, mes zemërimit të gjerë publik mbi trajtimin e luftës nga qeveria.

“Histadrut”, një nga sindikatat më të fuqishme në vend, njoftoi një grevë njëditore deri mëngjesin e të martës.

Zyrat qeveritare dhe bashkiake do të qëndrojnë të mbyllura. Po ashtu edhe shkollat dhe shumë biznese private.

Aeroporti ndërkombëtar “Ben Gurion” gjithashtu do të mbetet i mbyllur për një periudhë të pacaktuar. (Fatosi)