Foto nga VCG

Niveli i zhvillimit të gjelbër në sektorin bujqësor të Kinës është përmirësuar në mënyrë të qëndrueshme nga viti 2022 në 2023, sipas një raporti të publikuar të shtunën nga Akademia Kineze e Shkencave Bujqësore (CAAS) dhe Shoqëria Kërkimore e Zhvillimit të Gjelbër Bujqësor të Kinë. 

Gjatë publikimit të raportit, Ye Yujiang, nënkryetar i CAAS, tha se Kina ka promovuar vazhdimisht transformimin gjithëpërfshirës, shumëdimensional në drejtim të bujqësisë së gjelbër, me mbështetje efektive nga inovacioni teknologjik.

Niveli i ruajtjes dhe përdorimit të burimeve bujqësore të Kinës vazhdon të përmirësohet, ndërsa përpjekjet për të promovuar zhvillimin e gjelbër në bujqësi po kryhen përmes demonstrimeve pilot. Shfaqja e subjekteve të reja bujqësore është bërë një forcë shtytëse për tranzicionin drejt qëndrueshmërisë, sipas raportit. 

Kapaciteti i furnizimit të Kinës me produkte të gjelbërta me cilësi të lartë vazhdon të përmirësohet. Deri në fund të vitit 2023, vendi kishte krijuar baza të standardizuara prodhimi për lëndët e para të ushqimit të gjelbër që mbulojnë rreth 177 milion mu (11.8 milion hektarë). Norma e kualifikuar e monitorimit rutinë për cilësinë dhe sigurinë e produkteve bujqësore në shkallë vendi arriti në 97.8% gjatë gjithë vitit, sipas raportit.

Të ardhurat e fermerëve kinezë vazhdojnë të rriten. Të ardhurat e disponueshme për frymë të banorëve ruralë arrijnë në 21,691 juanë (rreth 3,000 dollarë) në 2023, një rritje prej 7.6% nga viti i kaluar, duke tejkaluar normën aktuale të rritjes së banorëve urbanë me 2.8 pikë përqindjeje. (Elona)