Foto nga Xinhua

Mëngjesin e 2 shtatorit, Presidenti Xi Jinping u takua në Sallën e Madhe të Popullit në Pekin me Presidentin të Malit, Assimi Goita, i cili ndodhet në Kinë për të marrë pjesë në Samitin e Forumit për Bashkëpunimin Kinë-Afrikë. Të dy krerët e shteteve njoftuan ngritjen e marrëdhënieve Kinë-Mali në marrëdhënie partneriteti strategjik.

Xi Jinping vuri në dukje se miqësia Kinë-Mali u krijua personalisht nga udhëheqësit e brezit të dikurshëm të të dy vendeve. Para 60 viteve, të dy palët shpallën një komunikatë të përbashkët, e cila për herë të parë përfshinte tetë parimet e ndihmës së jashtme të Kinës, duke mbrojtur respektimin e sovranitetit kombëtar, zhvillimin e një ekonomie të pavarur dhe mosndërhyrjet në punët e brendshme. 

Këto parime nuk janë vetëm udhërrëfyes për bashkëpunimin afatgjatë miqësor midis Kinës dhe Malit, por edhe pararojë që Kina dhe Afrika të promovojnë vendosjen e një rendi të ri ndërkombëtar. Kina është e gatshme të çojë përpara miqësinë tradicionale me Malin, të vazhdojë të mbështesë me vendosmëri atë dhe të ofrojë mbështetje brenda kapacitetit të saj, për zhvillimin ekonomik të Malit dhe përmirësimin e jetesës së njerëzve. 

Kina do të vazhdojë të inkurajojë kompanitë kineze për të investuar në Mali dhe për të thelluar bashkëpunimet në bujqësi, energji, zhvillimin e mineraleve, ndërtimin e infrastrukturës. Ajo shpreson që Mali do të ofrojë garancira dhe lehtësira politike për kompanitë kineze.

Xi Jinping theksoi se Kina ka mbështetur gjithmonë popullin afrikan në vendosjen e pavarur të së ardhmes dhe fatit të tyre. Ajo është e gatshme të mbështesë Malin dhe vendet e tjera afrikane, për të bashkuar duart në ndjekjen e rrugëve të modernizimit që i përshtaten kushteve të tyre kombëtare. 

Forumi mbi Samitin e Bashkëpunimit Kinë-Afrikë është i përkushtuar të hartojë një plan të ri bashkëpunimi Kinë-Afrikë në epokën e re, duke punuar së bashku për të promovuar modernizimin dhe ndërtimin e bashkësisë së fateve të përbashkëta në nivelin e lartë. Kina është e gatshme të punojë me Malin dhe palët e tjera, për të promovuar suksesin e plotë të samitit. 

Nga ana e tij, Presidenti Goita shprehu falenderimet për organizimin e Samitit të Forumit të Bashkëpunimit Kinë-Afrikë, si edhe për pritjen e ngrohtë dhe miqësore. 

Popujt e Malit dhe Kinës kanë një miqësi vllazërore dhe një bashkëpunim dypalësh të sinqertë dhe pragmatik. Falenderojmë Kinën për ndihmat e vlefshme që ka dhënë për zhvillimin ekonomik dhe social të Malit. Mali shpreson të konsolidojë më tej miqësinë me Kinën, të ngrejë marrëdhëniet e partneritetit strategjik dhe të thellojë bashkëpunimet në bujqësi, energji, miniera, siguri etj. 

Ekziston vetëm një Kinë në botë, ndaj Mali i përmbahet me vendosmëri parimit të një Kine. Mali dhe Kina respektojnë sovranitetin dhe pavarësinë kombëtare. Kundërshtojnë ndërhyrjet në punët e brendshme të vendeve të tjera. Mali vlerëson përpjekjet dhe kontributet e Kinës për promovimin e paqes dhe zhvillimin rajonal e botëror, si dhe pret për bashkëpunime shumëpalëshe me Kinën.

Në takim mori pjesë dhe Wang Yi.