Termocentral (Foto Rtsh)

Ukraina ka nisur një valë sulmesh me dronë ndaj Rusisë, duke shkaktuar zjarre në dy objekte energjetike ruse.

Sipas Ministrisë ruse të Mbrojtjes, më shumë se 158 dronë ukrainas shënjestruan 15 rajone të vendit, përfshirë kryeqytetin Moskë, shkruan “RTSH”.

“Si rezultat i sulmit një zjarr ka shpërthyer në një rafineri nafte në Moskë në një dhomë të veçantë teknike”,- tha kryebashkiaku i qytetit.

Në rajonin Tver, u dëgjuan shpërthime të forta pranë termocentralit Konakovo, ku dhe ka marrë flakë një objekt. Zyrtarët lokalë thanë gjithashtu se dronët u përpoqën të sulmonin termocentralin Kashira në rajonin e Moskës, por se si rezultat nuk pati zjarre, dëme apo viktima.

Forcat ukrainase kanë shtuar sulmet me rreze të gjatë brenda Rusisë gjatë muajve të fundit, duke lëshuar një sërë dronësh në të njëjtën kohë në objektivat strategjikë disa herë në javë. (Irma)