Foto nga ATSH

Kryeministri Edi Rama deklaroi se Ballkani Perëndimor sot është në një pozitë më të mirë seç ka qenë.

“Nuk kemi diferenca shumë të mëdha me BE-në, përveç ekonomisë. Kemi hendek që duhet ta mbushim. Ne jemi europianë, ne kemi qenë europianë dhe nuk është Brukseli që vendos për këtë. Ne do të ishim një vlerë e shtuar për BE-në”, deklaroi kryeministri shqiptar në në forumin e sigurisë “Globsec 2024”, të zhvilluar në Pragë, në panelin me temë: “Brishtësia e Ballkanit Perëndimor”, shkruan “ATSH”.

Sipas tij, Ballkani Perëndimor do të jetë një ditë në BE dhe konflikti në Ukrainë shtoi ndërgjegjësimin se sa i rëndësishëm është Ballkani, pikërisht për sigurinë e Europës mbi të gjitha. (Irma)