Foto nga VCG

Deri të premten, në hekurudhat e Kinës janë kryer 872 milionë udhëtime pasagjerësh gjatë fluksit të udhëtimeve verore të këtij viti, me një rritje prej 6.2 për qind krahasuar me të njëjtën periudhë të vitit të kaluar, sipas të dhënave të publikuara të shtunën.

Numri mesatar ditor i udhëtimeve hekurudhore të pasagjerëve arriti në 14.29 milionë nga 1 korriku deri më 30 gusht, siç raportohet nga Grupi Shtetëror i Hekurudhave, operatori hekurudhor i vendit.

Kërkesa e fortë për udhëtime studentore, turizëm e vizita familjare kontribuuan në ruajtjen e një niveli të lartë të fluksit të udhëtimeve hekurudhore, sipas kompanisë.

Këtë vit, fluksi i udhëtimeve verore zgjat nga 1 korriku deri më 31 gusht.

Sipas të dhënave të veçanta nga Ministria e Transportit, gjithsej 37.99 miliardë udhëtime ndërrajonale janë kryer në Kinë gjatë shtatë muajve të parë të vitit, duke shënuar një rritje prej 6.6 për qind në krahasim me të njëjtën periudhë të vjetshme. (Çang Çuo)