Anija (Foto RTSH)

Pentagoni bëri të ditur se një cisternë nafte që u sulmua nga rebelët Houthi të Jemenit në Detin e Kuq javën e kaluar është ende në zjarr dhe mund të jetë duke rrjedhur naftë.

Anija greke transportonte më shumë se 150.000 tonë naftë bruto dhe rrjedhja e saj konsiderohet si katastrofa më e madhe mjedisore e regjistruar ndonjëherë, bën të ditur “RTSH”.

Rebelët Houthi të mbështetur nga Irani kontrollojnë pjesën më të madhe të Jemenit. Sulmet e tyre ndaj anijeve në Detin e Kuq kanë nisur në mbështetje të palestinezëve në luftën midis Izraelit dhe Hamasit në Rripin e Gazës.

Zëdhënësi i Pentagonit, gjeneralmajor Patrick Ryder, tha se ishin dërguar dy rimorkiatorë për të shpëtuar anijen e goditur, por Houthi-t kishin kërcënuar se do t'i sulmonin gjithashtu.

Ai tha se SHBA-ja po punonte me partnerët në rajon në përpjekje për të zbutur çdo ndikim të mundshëm mjedisor. (Elona)