Kryeministri izraelit Netanyahu (Foto panorama.al)

Kryeministri izraelit Benjamin Netanyahu ka reaguar pasi Hezbollahu i mbështetur nga Irani lëshoi qindra raketa dhe drone në Izrael në hakmarrje për vrasjen e një komandanti të lartë.

“Ne jemi të vendosur të bëjmë gjithçka që është e mundur për të mbrojtur vendin tonë, për t’i kthyer banorët e veriut të sigurt në shtëpitë e tyre dhe për të vazhduar të respektojmë një rregull të thjeshtë: Kushdo që na dëmton, ne e dëmtojmë”, tha ai në një deklaratë.

Ndërkohë, zëdhënësi i ushtrisë izraelite (IDF), Daniel Hagari, ka thënë në një postim në X se Izraeli ka përdorur 100 avionë luftarakë të cilët “sulmuan dhe shkatërruan mijëra qendra zjarri të Hezbollahut, shumica e tyre drejt veriut të vendit dhe disa gjithashtu drejt Izraelit qendror”.

Ushtria tha gjithashtu në një deklaratë se më shumë se 40 zona lëshimi në Liban u goditën gjatë sulmeve të mëngjesit të hershëm të Izraelit.(Fatosi)