Tiff (Foto Atsh)

Tirana International Film Festival (TIFF) shpalli përzgjedhjen zyrtare të filmave për edicionin e 22-të, që do të mbahet më 22-28 shtator.

Mes 3700 aplikimeve nga 110 vende të botës, u paraqit lista zyrtare me 211 filma, nga të cilët 25 të metrazhit të gjatë dhe 186 filma të shkurtër, shkruan “ATSH”.

Të gjithë filmat e përzgjedhur janë prodhuar në vitin 2023-‘24 dhe do të jenë premiera kombëtare, duke përfshirë shumë premiera botërore, ndërkombëtare, europiane dhe rajonale.

Filmat do të shfaqen në kinemanë “Millennium”, Qendrën e Artit “Agimi” dhe te Liceu Artistik në kryeqytetin shqiptar. (Irma)