Foto:VCG

Kina dhe Bjellorusia u zotuan të enjten për të rritur bashkëpunimin në bujqësi dhe në shërbimin e transportit hekurudhor Kinë-Evropë Express.

Në një deklaratë të përbashkët pas takimit në Minsk, Bjellorusi, midis kryeministrit kinez Li Qiang dhe homologut bjellorus Roman Golovchenko, të dy palët thanë se janë të gatshme për të shfrytëzuar mundësitë e mëdha të bashkëpunimit në bujqësi dhe për të forcuar bashkëpunimin për investime në këtë sektor.

Siç mësohet, të dyja palët do të zgjerojnë aksesin në tregun kinez për produktet bujqësore dhe ushqimore bjelloruse, mirëpresin hyrjen e produkteve bujqësore me cilësi të lartë në tregjet përkatëse dhe inkurajojnë ndërmarrjet e tyre të marrin pjesë në panaire dhe aktivitete tregtare të zhvilluara nga të dy vendet.

Gjithashtu në deklaratë, palët ranë dakord të forcojnë bashkëpunimin në hekurudhat Kinë-Evropë Express, të krijojnë një mekanizëm bashkëpunimi ndërqeveritar për shërbimet, të promovojnë lidhjen e infrastrukturës dhe së bashku të garantojnë sigurinë e korridorit të transportit të trenave të mallrave përkatës.(Zhang Yan/Elona)