Qingyu Tufei, një pjatë e njohur e Shangait me mëlçinë e krapit të zi të skuqura e me fidan bambuje / foto nga "China Daily"

Në një shfaqje magjepsëse joshëse për shijet dhe sytë, Qin Zhuonan një kuzhiniere 45 vjeçare nga Shangai përdor një palë gërshërë për të ndarë barkun e një krapi të zi, duke nxjerrë mëlçinë me saktësi për të shmangur këputjen e fshikëzën e tëmthit dhe prishjen e aromës.

Ajo e përsërit me kujdes procesin në 10 peshq për të gatuar Qingyu Tufei një delikatesë e njohur e Shangait, që realizohet me përzierjen e të brendshmeve të peshkut me fidan bambuje.

Peshk mandarin në formë ketri. Pjata kërkon përpunime të ndërlikuara me thikë në sipërfaqjen e peshkut. / foto nga "China Daily"

Skena paraqitet në episodin e tretë të “The Peak of Cook” (Kulmi i kuzhinierit) - Konkurrenca e Shefave të Kuzhinës Kino-Frëne, një program televiziv që synon të nxisë shkëmbimet kulturore të kulinarisë midis dy vendeve. Spektakli u realizua me rastin e 60-vjetorit të marrëdhënieve  diplomatike Kinë-Francë.

Prodhuar nga Grupi Mediatik i Kinës (CMG), programi - i cili filloi të transmetohej në CCTV-2 më 20 korrik  mbledh 20 kuzhinierë kinezë dhe francezë, me katër pjesëmarrës në secilin prej 10 episodeve, duke përfshirë në garat e kuzhinës me tematikë 10 përbërës, duke filluar nga peshku në të brendshmet e pulës dhe mishrave të tjerë.

Barbuni i kuq me luspa patatesh, një pjatë e krijuar nga një kuzhinier legjendar francez në vitet 1960 /  / foto nga "China Daily"

Tang Lin, producenti kryesor i spektaklit, thotë për China Daily se krijuesit kryesorë, pas raundeve të stuhisë së ideve, kuptuan se kultura e  gastronomisë mbetet një nga subjektet më intriguese për të tërhequr audiencën nga të dy vendet.

Duke kujtuar se ekipi i prodhimit u caktua për të prodhuar programin në fillim të shkurtit, Tang tregon se 20 shefat e kuzhinës janë të moshës 29 deri në 55 vjeç, ku shumica prej tyre janë veteranë të kuzhinës me përvojë të pasur.

I filmuar nga fundi i prillit deri në korrik, programi ftoi gjyqtarë për episode të ndryshme, duke përfshirë prezantuesin e televizionit francez Olivier Grandjean dhe aktorin kinez Liu Ye. Shfaqja përmbante përkthim simultan, për të lehtësuar komunikimin në kohë reale midis të ftuarve dhe pjesëmarrësve.

Yang Zhongwen, drejtuesi  kryesor i shfaqjes, shpjegon se ata kanë zgjedhur dhjetë përbërësit, të cilët janë tema e çdo episodi, bazuar në një kriter të vetëm - përbërës që përdoren zakonisht në kuzhinat lokale si në Kinë ashtu edhe në Francë.

"Bouillabaisse", një supë peshku klasike nga Jugu i Francës / foto nga "China Daily"

"Një përbërës që meriton vëmendje të veçantë janë të brendshmet. Pavarësisht besimit të zakonshëm se kuzhina perëndimore tenton të shmangë përdorimin e organeve të kafshëve, restorantet franceze kanë përfshirë të brendshmet si një përbërës kyç, veçanërisht në pjatën e tyre të njohur Foie Gras ", shpjegon Yang.

Shfaqja gjithashtu thellohet në arkivat historike dhe veprat artistike që qëndrojnë pas gjithë këtyre ushqimeve. Për shembull, episodi që fokusohet në të brendshmet e kafshëve zbulon se teknika e kuzhinës dhe shija e të brendshmeve kanë ekzistuar gjatë Dinastisë Tang (618-907), si rezultat i tregtarëve të huaj që importonin në Kinë erëza të ndryshme, si piper, përmes Rrugës së Mëndafshit.

Një skenë nga programi televiziv "The Peak of Cook” / foto nga "China Daily" 

“Përveç eksplorimit se si këta përbërës kanë çimentuar vendin e tyre në historinë e të dy vendeve, ne kemi kryer kërkime të gjera për të zbuluar përshkrimet e tyre në veprat letrare”, thotë Tang.

Ai jep shembullin e gatimit të  Bouillabaisse, një supë klasike peshku nga Franca jugore e portretizuar në romanin klasik "Konti i Monte Cristo" të autorit francez Alexandre Dumas.

Corentin Delcroix, një ndikues ushqimor nga Franca, përgatiti barbunin e kuq me luspa patatesh/  foto nga "China Daily" 

"Nga tekstet historike dhe kryeveprat kulturore deri te veprat shkencore, duke eksploruar regjistrime ose përshkrime të ndryshme rreth këtyre përbërësve, ne mund të zbulojmë se si ato kanë transformuar jetët në epoka të ndryshme dhe kanë ndikuar në botë," shpjegon Tang.

Kulturat e kuzhinës kineze dhe franceze ndajnë një ndjekje të përbashkët për përpikëri dhe delikatesë në teknikat e gatimit, siç tregohet në program.

Duke ilustruar këtë ndjekje, në episodin me temë peshku, Tao Xiaodong, një kuzhinier nga Yangzhou në provincën Jiangsu, përgatit një pjatë të veçantë që përfshin heqjen e eshtrave dhe gdhendjen e peshkut në një formë zbukurimi që i ngjan një ketri.

Kuzhinieri francez Franckelie Laloum dhe homologu i tij kinez Guo Ke (majtas) shkëmbyen mendime gjatë programit /  foto nga "China Daily" 

Corentin Delcroix një inluencer  i njohur ushqimor i lindur në Lille, i cili ndiqet nga 6 milionë fansa kinezë në internet - përgatit barbunë me patate, një pjatë e krijuar nga një kuzhinier legjendar francez në vitet 1960 që kërkon aftësi të ndërlikuara prerjeje për të shndërruar patatet në feta të holla të  ngjajnë me luspat e peshkut.

"Audienca do të vërejë se si Kina ashtu edhe Franca ndajnë një ndjekje kulinarie, që është të bëjnë prezantimin e pjatës sa më fine  që të jetë e mundur. Shpresojmë që publiku të zbulojë se si ushqimi mund të shërbejë si një platformë për shkëmbimet kulturore dhe të përmirësojë mirëkuptimin e ndërsjellë për jetën." thotë  drejtuesi i spektaklit Yang.

Tang, kryeproducenti i spektaklit, përfundon se duke ndarë histori me interes njerëzor nga gjyqtarët, programi synon të ndezë kureshtjen e audiencës dhe t'i frymëzojë ata që të nisin një udhëtim eksplorimi në historinë dhe kulturën e pasur të të dy vendeve.

Qin Zhuonan, krye-kuzhiniere 45 vjeçare nga Shangai /  foto nga "China Daily"