Emigrantët në Mesdhe (Foto ATSh)

Organizata Ndërkombëtare për Emigracionin (IOM) bëri të ditur se mbi 1000 emigrantë kanë humbur jetën ose janë shpallur të zhdukur në ujërat e Mesdheut qendror nga fillimi i vitit 2024 deri më 17 gusht, shkruan “ATSH”.

Në raportin e IOM-it thuhet se viktimat e gjetura ishin 421, ndërsa 603 persona rezultojnë të zhdukur, me një total prej 1024 personash.

Në të njëjtën periudhë, emigrantët e kapur në det dhe të kthyer në Libi ishin 13.763, mes të cilëve edhe 460 të mitur. (Irma)