Panele diellore (Foto RTSH)

Prodhimi i energjisë elektrike nga fermat diellore po rritet më shpejt në Europën Qendrore dhe Lindore se në çdo rajon tjetër europian.

Gjatë shtatë muajve të parë të vitit 2024, prodhimi diellor në pesë prodhuesit më të mëdhenj diellorë në Europën Qendrore e Lindore, Austri, Bullgari, Hungari, Rumani dhe Poloni, u rrit me 55% krahasuar me të njëjtët muaj në 2023-shin, tregojnë të dhënat e cituara nga “RTSH”.

Ky tregues është mbi dyfishin e normës së rritjes për Europën në tërësi. Ai tejkalon ndjeshëm ritmet e pesë gjeneratorëve më të mëdhenj diellorë në Europën Perëndimore, Europën Jugore dhe Veriore gjatë së njëjtës periudhë.

Polonia dhe Hungaria janë shtytësit më të rëndësishëm të rritjes së energjisë diellore në këto rajone. Në terma absolutë të gjenerimit, këto vende renditen gjithashtu në nivele të larta midis homologëve europianë. (Elona)