Foto nga VCG

Veriu i Italisë është përfshirë nga moti i keq me stuhi dhe përmbytje.

Sipas mediave italiane, cituar nga “Panorama”, në rajonin e Piemontes dhe në veçanti në Torino dhe rrethinat e tij pati reshje të dendura shiu dhe breshër, që shkaktuan përmbytjen e shumë rrugëve.

Po ashtu raportohet se janë kryer rreth njëqind operacione shpëtimi për të cilat u thirrën forcat zjarrfikëse.

Në Fenestrelle, në rrugën që të çon në Colle di Sestriere, pati rrëshqitje dheu.

Moti i keq ka bërë që të rrëzohen disa pemë në rrugë, ndërsa janë dëmtuar edhe çatitë e shumë banesave. (Irma)