Donald Trump dhe Elon Musk (Foto ATSH)

Donald Trump ka kritikuar Bashkimin Europian dhe kundërshtarët e tij demokratë gjatë një bisede me Elon Musk në platformën “X”.

Trump kritikoi BE-në për qëndrimet e saj në tregtinë me SHBA-në, si dhe NATO-n se nuk shpenzon mjaftueshëm për mbrojtjen, citon “ATSH”.

Në një bisedë që zgjati më shumë se dy orë, shefi i “Tesla”-s dhe kandidati republikan për president deklaruan admirimin e tyre të ndërsjellë dhe rishfaqën pikëpamjet e përbashkëta politike për emigracionin dhe ekonominë.

Trump shfrytëzoi rastin për të vënë në shënjestër presidentin amerikan, Joe Biden, dhe kandidaten demokrate për presidente, Kamala Harris, të cilët ai i fajësoi për rritjen e emigracionit të paligjshëm. (Elona)