Gaza (Foto Panorama)

SHBA-ja ka urdhëruar një grup sulmi avionësh luftarakë dhe anijesh luftarake të Marinës për të përshpejtuar dislokimin në Lindjen e Mesme, ndërsa rajoni po përgatitet për sulme të mundshme nga Irani dhe aleatët e tij, pas vrasjes së anëtarëve të lartë të Hamasit dhe Hezbollahut, shkruan “RTSH”.

Sekretari amerikan i Mbrojtjes, Lloyd Austin, urdhëroi grupin e sulmit “Abraham Lincoln” të përshpejtonte dislokimin e tij në rajon, duke njoftuar në të njëjtën kohë vendosjen e një nëndetëse me raketa.

Ushtria amerikane kishte njoftuar tashmë se do të vendoste avionë luftarakë dhe anije luftarake shtesë në Lindjen e Mesme, ndërsa SHBA-ja kërkon të forcojë mbrojtjen izraelite. (Fatosi)