Foto nga RTSH

Mundësi shqiptar Islam Dudaev i ka dhuruar një tjetër medalje historike vendit në Lojërat Olimpike të Parisit, duke mundur numrin një të botës në peshën 65 kg, Iszmail Muszukajev, njofton RTSH. Sportisti shqiptar e kontrolloi prej fillimit ndeshjen, duke garantuar katër pikë me një hedhje të realizuar thjesht, si dhe dy pikë të tjera duke e shtrirë në kurriz sfiduesin e tij.

Hungarezi Muszukajev përfitoi nga gabimet duke e ngushtuar rezultatin në 8–6 pas raundit të parë. Ndërsa në raundin e dytë, në sekondat e fundi, shqiptar arriti ta nxjerrë hungarezin me forcë nga zona e ndeshjes, duke i marrë atij një pikë të fundit. Takimi u mbyll 13–12.

Më herët, mundësi amerikan Retherford u tërhoq nga gara pasi nuk arriti peshën ideale për t'u përballur me Dudaevin. Kjo i dha mundësinë mundësit shqiptar të kualifikohet automatikisht në finalen për medaljen e bronztë

Të shtunën ishte mundësi tjetër shqiptar, Chermen Valiev, që shkroi historinë në Paris 2024.  Mundësi kuqezi i dhuroi Shqipërisë medaljen e parë të bronztë në historinë e Lojërave Olimpike. Ai mposhti me rezultatin 6–2 në finalen për medaljen e bronztë Viktor Rassadin nga Taxhikistani në stilin e lirë në mundje në peshën deri në 74 kg.(Fatosi)